Sustatu.com webgunea sortu zenetik bost urte bete dira, eta hori ospatzeko festa egingo dute gaur 18:30ean Arrasateko (Gipuzkoa) Klaustroan. Jaian Yahooko bilaketa arduraduna izandako Ed Freyfoglek eta Iban Zaldua idazleak hitzaldi bana emango dute, antolatzaileen esanetan "labur, baina trinko eta mamitsu".
Blogen mezu onenaren sariketa ere antolatu dute aurten Sustatukoek, eta lehiaketako sari banaketa eta zozketa eginez hasiko dute urteurren festa. Nola ez, jan eta edana ere egongo da, aperitifa egingo baitute, eta aurretik aipatuta bezala Ed Freyfoglek eta Iban Zalduak hitzaldi bana ere emango dute. Internet eta... gaur egungo bizimodua? eman diete gai, eta hortik abiatuta bakotzaik nahi duenaren gainean egingo du bere jarduna.
Arrasateko Klaustroa ez dute oriandik ere ofizialki inauguratu, eta horregatik, "biziki" eskertu dio Sustatuk Arrasateko Udalari Klaustroa festarako uztea.
Sustatuk 5 urte
Sustatuk 5 urte bete dituela ospatuko dute gaur
Iruzkinak
Ez dago iruzkinik
Ordenatu
