Sutea izan da Elgoibarko enpresa batean, lapurreta baten ondorioz

Sutea piztu da bart goizaldean Elgoibarko (Gipuzkoa) Olasko industrialdeko enpresa batean, eta garajean aparkatuta zeuden bi ibilgailu kiskalita geratu dira. Eusko Jaurlaritzako Herrizaingo Sailak esan du lapurreta gertatu dela enpresan eta balitekeela horren ondorioz sortzea sutea. Bi ordenagailu eraman dituzte lapurrek, eta bi kutxa behartu dituzte.

04:55 inguruan hasi da sutea, lantegiko garajean. Inork ez du minik hartu, eta ordu batzuren buruan garrak menpean hartzea lortu dute suhiltzaileek. Hala ere, zortzi eta erdiak inguruan, badaezpada, lanean jarraitzen zuten suhiltzaileek, ingurua kontrolatzen.