Epailearen aurrean deklaratu ondoren, Goldarazena harrituta agertu da pankarta horrek orain sortu duen "kezka" dela eta. Izan ere, gogorarazi du hamabost urtez jarri dutela pankarta hori Tafallan, baita alkatetzan beste indar politiko batzuk zeudenean ere.
...2005 2006 2007 2008 2009 2010 2011 2012 2013 2014... gaur @arturogolda AN-n deklaratzera http://t.co/6AmaCY7FCipic.twitter.com/SsDn6sBtCn
— Jon Ordoñez (@jonordoez) October 14, 2015"Orain, alkatea EH Bildukoa denean sortzen da arazoa", kritikatu du, eta ziurtatu bere inputazioak ez duela funtsik. Presoen sakabanaketa salatzeaz, berriz, esan du "eztabaidagarria" dela, baina "inola ere ez delitu bat". Epaileari azaldu dio ez dakiela nork jarri zuen pankarta hori udaletxean, baina defendatu du EH Bilduk "babes garrantzitsua" duela udalean eta hori "errespetatu beharra" dagoela.
Fiskalak egindako salaketa aintzat hartu zuen Juan Pablo Gonzalez Espainiako Auzitegi Nazionaleko epaileak, eta horren ondorioz, Tafallako alkatea deklaratzera deitu du. Fiskalak alkatea salatu du pankartaren leloak "hizkuntzaren erabilera desitxuratuz, ETAko presoen egoera bide gabea dela aditzera eman nahi zuelako".
EH Bilduk salatu du inputazioaren "zentzugabetasuna". Koalizioaren aburuz, hainbatek oraindik ez dute onartu "Nafarroan gertatutako aldaketa". Gainera, gogoratu dute, Tafallako jaien hasieran urtetan egon dela euskal presoen aldeko pankarta udaletxean, UPNk eta PSNk alkatetza zuetelarik. "Kasu horietan ez zen egon inolako inputaziorik".
