"Prozedura luzea eta konplexua da. Oraindik, presoak espetxean hiltzen dira. Larri dauden kasuetan, euren ingurukoen artean hiltzeko aukera izan beharko lukete". Hala mintzatu da gaur Frantziako Justizia ministro Christiane Taubira, Frederique Espagnac senatariak galdetuta.
2009ko espetxe legearen inguruko eztabaida batean egin dio galdera Espagnacek. Senatariak ohartarazi du baketzea "erabatekoa" izateko egokia izango litzatekeela euskal presoak Euskal Herriratzea. Gaineratu du hori "araututa" egon beharko lukeela gaixo dauden presoen kasuetan.
