Terrorismoaren biktimen Europako Eguna. Haien hutsunea etorkizuna eraikitzeko funtsezkoa da lelopean egingo dute ekitaldia. Lehendakaritzak jakinarazi duenez, euskal erakunde guztiak, kargudun publikoak eta hautetsiak gonbidatu ditu Eusko Jaurlaritzak Donostian egingo den ekitaldira; baita biktimak eta gizarte zibileko ordezkariak ere, haien arabera. Iñigo Urkullu lehendakaria han izango da.
Azaldu dutenez, "biktimekiko elkartasuna ikusgarri egiteko asmoa" du ekitaldiak, eta horien testigantzek bizikidetzan zenbateko garrantzia duten azpimarratzekoa. Ekitaldi isila izango da, musika emanaldi batek gidatua, eta hamar minutu inguru iraungo du.
Ekitaldia 12:00etan egingo dute, Donostiako Pasealeku Berrian dagoen Jorge Oteizaren Eraikuntza hutsa eskulturaren ondoan. Eguraldi txarra egingo balu, San Telmo museoan egingo lukete.
