Tituluak Bolognara egokitu dituenaren dimisioa EHUn

BILBO. EHUko errektoreorde Carmen Gonzalez Muruak dimisioa eman du. Gonzalez Murua zuzendari akademikoa zen, eta azken zortzi urte hauetan tituluak Bolognara egokitzeaz arduratu da. Ikasle gutxi izateagatik, lau ingeniaritza batuko ditu EHUk, eta, antza, erabaki horren inguruan desadostasunak izan ditu Iñaki Goirizelaia errektorearekin. Horregatik erabaki du, besteak beste, errektoreorde kargua uztea Gonzalez Muruak.