Torturan adituek torturatzat jo dute inkomunikazioa

Torturen aurka jarduten duten aditu eta erakundeek mila bider egin dituzte gomendioak torturak amaitzeko. Euskal Herrian Torturen Aurkako Taldeak (TAT) 9 neurri proposatzen ditu; eta horietan nagusiena inkomunikazioa kentzea da. Theo Van Boven NBEko kontalariak ere aholku bera egiten du. Haren txostenak dioenez, inkomunikazioa, tortura «errazten» duen neurria izateaz gain, «tratu krudel, anker eta laidogarria da, eta tortura ere izan daiteke». Van Bovenek inkomunikazioa indargabetzea proposatzen du. Europako Torturen Prebentziorako Komiteak eta Amnesty Internationalek ere bat egiten dute aholku horrekin.