Trebiñuko eri bat ez dute onartu Txagorritxun, eta protesta egin du udalak

Trebiñuko (Araba) gaixo bat Gasteizko Txagorritxuko Ospitaletik Burgoskora (Espainia) bidali dutela eta, kexu agertu da Trebiñuko Udala. PPk ez beste alderdi guztiek adostutako mozio batek dioenez, andreak eritasun kroniko bat duelako ez dute onartu Gasteizen. Herriko etxeak salatu du «alferrekoa» dela Gaztela eta Leonek eta Jaurlaritzak sinatutako akordioa, eta eskatu du jartzeko neurriak bizilagunak nora ezean ez ibiltzeko. Protesta iragarri du udalak: elkarretaratzeak egingo dituzte Gaztela eta Leongo Juntaren eta Jaurlaritzaren egoitzaren aurrean.