Manuel Lezertua arartekoa ez da arituko karguan datozen asteetan, gaixotasun bat dela eta. Arartekoak ohar batean jakinarazi duenez, ekainaren 22an ospitalera joan zen, belauneko minagatik. Probak egin zizkioten, eta tumore bat aurkitu diote biriketan.
Ebakuntza bat egin beharko diote; seguruenik, asteon. Tratamentuan dagoen bitartean, Julia Hernandez egongo da ararteko karguan —Lezertuaren albokoa da—.
