Bizitza da Handienak Donostian antolatu duen protesta astearen testuinguruan, erakundeetatik bultzatzen ari den turismo eredua salatzeko manifestazioa egin dute gaur Donostian, Bizilagunekin plataformak deituta.
Turismoari buruzko "benetako eztabaida" irekitzea eskatu dute, eta egungo turismo moldearen aurka daudenak ez kriminalizatzeko galdegin diete agintariei. Ohartarazi dutenez, gizartean eztabaidarik sustatu gabe ari da ezartzen "turistifikazio" eredua. Deitzaileek adierazi dutenez, donostiarrek ez dute sinesten turismoak dakarren guztia ona denik.
Manifestazioa Saguesetik irten da, Bertan bizi gara, bertan bizi nahi dugu goiburuean, musikak lagunduta. Karteletan, "turismoak auzoa hiltzen du", "turismoak prekaritatera kondenatzen gaitu" eta "turismoak gure merkataritza suntsitzen du" mezuak irakur zitezkeen.
#EzGaraTuristakDonostianpic.twitter.com/ufrLG3iXkv
— Bizitza Da Handiena! (@bizitzahandiena) 2018(e)ko maiatzaren 25(a)
Bizilagunekin plataformaren deialdiarekin bat egin dute hainbat eragilek. Horien artean, Donostiako metroaren proiektua geldiarazteko Satorralaia bizilagun elkartea, Hotel + Ez kolektiboa eta Erraustegiaren Aurkako Mugimendua.
. @ErrausAurkMugi, hotel + ez kolektiboa, @satorralaia eta hainbat kolektibo gehiagoren aldarriak ikus daitezke manifan #EzGaraTuristakDonostianpic.twitter.com/Yv1VaT69Qc
— Bizitza Da Handiena! (@bizitzahandiena) 2018(e)ko maiatzaren 25(a)
Gros auzotik Alde Zaharrerako bidea egin du manifestazioak, Bulebarrean barrena.
Alde zaharrean sartu dira kale Nagusitik @berriapic.twitter.com/GmMsorIKGF
— Ane Zurutuza (@ane_zurutuza) 2018(e)ko maiatzaren 25(a)
Santa Maria elizaren parean, hotela bihurtzekoa den eraikinean, hotel gehiago irekitzearen kontrako pankarta zabaldu dute.
Alde zaharrean gaude #EzGaraTuristakDonostianpic.twitter.com/QGEzM851vi
— Bizitza Da Handiena! (@bizitzahandiena) 2018(e)ko maiatzaren 25(a)
Alde Zaharretik itzulia egin ostean, Bulebarrean amaitu da manifestazioa.
