Tuteran gizon bat aurkitu dute koman eta buruan kolpeak zituela. Nafarroako Foru Poliziak ikerketa abiatu du konorterik gabe zergatik zegoen argitzeko. Poliziak hipotesi guztiak ditu zabalik, baita erasoa jasan izanaren aukera ere.
Hasierako informazioek gizonezkoa zendu egin dela ziurtatu duten arren, Tuterako bizilaguna garun-heriotza egoeran dagoela adierazi dute medikuek.
Gizona Konstituzio plazan topatu dute bi herritarrek gaur goizean, eta Tuterako ospitalera eraman dute. Ospitalean polizia judizialari abisu eman diote, gizonak buruan zituen kolpeak azter zitzan.
Polizia Konstituzio plaza miatzen ari da, heriotza nola gertatu den argitzen lagunduko dion zantzu bila.
