Azken egunetan zabor bilketaren inguruan Azkoitian (Gipuzkoa) sortu den iskanbila dela eta, Azkoitiko Udalak eta aldundiak "txoke plana" aurkeztu dute gaur, asteartea. Plan horren helburua da edukiontzietako frakzio kutsatuak gutxitzea, eta horrela, hondakinen birziklatze egokia bermatzea.
Landa eremuetan garatuko da plana, eta hezitzaileak etxez etxe joango dira, zaborra nola birziklatu irakasteko eta herritarren zalantzak argitzeko. Javier Zubizarreta Azkoitiko alkateak adierazi du arazoa gainditzea espero duela udalak, eta ezinbestekoa dela herritarren kolaborazioa eta konpromisoa.
