Txus Martin euskal presoa Langraizko (Araba) espetxera mugitu dute Basaurikotik (Bizkaia). Hilaren hasieran, Soto del Real kartzelatik (Madril, Espainia) Basaurikora eraman zuten. Martinek nahasmen eskizo-afektiboa du, gaixotasun larria.
Egin Dezagun Bideak adierazi du presoaren osasun egoerak ez duela onartzen "etengabeko leku aldaketaren menpe egotea" eta Martinen berehalako askatasuna eskatu du, "osasun laguntza egokia jaso ahal izateko". Euskal presoaren "bizitza eta eskubideekin jolasten" aritzea egotzi die espetxeetako zuzendaritzei.
