Txus Martin presoa non dagoen ez dakite senideek

DONOSTIA. Txus Martin presoa Soto del Realgo espetxetik (Madril) eraman egin zuten atzo, eta, Etxerat-ek jakinarazi duenez, haren senideek ez dakite non dagoen. Gaixo dago Martin, eta botikak hartu behar ditu egunero. Horregatik, Etxerat kezkatuta dago presoaren egoeraren inguruan. Martinek nahasmen eskizo-afektiboa dauka, eta eldarnioaldiak izaten ditu. Ia zortzi urte bakarturik eduki zuten Frantzian.