Udaltzainek sexu eraso batean ez zutela lagundu salatu dute

BILBO. Bilboko Aste Nagusian bi sexu eraso gertatu dira, eta horiek salatu ditu Deustuko Pare! talde feministak. Abuztuaren 23an andre bati sexu erasoa egin zion gizonak ihes egin zuela, gertaera udaltzainei salatu zietela, baina haiek ez zirela bertara azaldu salatu dute. Horrelako erasoetarako «protokolo arinago eta profesionalago» bat behar litzatekeela adierazi dute, eta andreen aurkako erasoei erantzutera deitu dute.