UEU Udako Euskal Unibertsitateak udako ikastaroen eskaintza aurkeztu du gaur goizean, Iruñean, Elkar aretoan. Ekain amaieratik uztailera bitarte askotariko ikastaroak prestatu dituzte, hainbat arlotan sailkatuta: artea eta musika, giza zientziak, gizarte zientziak, ingeniaritza eta teknologia, osasun zientziak eta zientziak. Egitarau osoa, hemen.
Ikastaro guztiak Eibarren (Gipuzkoa), Baionan eta Iruñean izango dira. Horiekin batera, badira Internet bidez egin daitezkeen beste zenbait ere. Eibarren ekainaren 26tik 29ra eta uztailaren 9tik 13ra antolatu dituzte saioak, Baionan uztailaren 4tik 6ra eta Iruñean uztailaren 16tik 18ra. Izena emateko epea zabalik dago.
Udako ikastaroek 40. urteurrena dute aurten.
