Foruzaingoak jakitera eman duenez, Berriobeitin tren istripua izan da 14:10ean. Ume bat harrapatu du Bartzelonatik Irunera zihoan trenak, eta Nafarroako Gobernuak berri agentziei baieztatu dienez, bertan hil da. Neskato bat zen, Berriozarrekoa, eta bi urte eta erdi zituen.
Antza denez, inguruko baratze gune batean zegoen umea, familiarekin. Foruzaingoa istripuaren lekura joan da, eta ikerketa abiatu du.
