Hona hemen Unai Ziarretaren esan batzuk:
- "EAJrekin moztu eta haren ezkerraldera polo subiranista bat sortzeko apustua egin zuen EAk. Balorazioa ikaragarri ona da. EH Bilduren eguneroko praktika politikoan oso txertatuta daude euskal estatua, giza eskubideak eta justizia soziala ardatzak".
- "Euskal estatuaren prozesua EH Bilduren eskutik etorriko da, betiere gizartearen babesa bilatuta".
- "EAJ 2008an bezala ikusten dut. Ez dauka proiektu politiko nazionalik. Gainera, prest azaldu da Espainiako balizko erreforma konstituzional batean parte hartzeko. Larria litzateke".
- "3 urte eta erdi hauetan gauzak beste era batera egin daitezkeela erakutsi dugu. Instituzioak gizartera ireki ditugu. Kudeaketan zertan huts egin dugun? Oso-oso fin edo ondo ez gara ibili Gipuzkoan zaborren kontuarekin, gaia bideratzen ari garen arren".
