EU2015 unibertsitate estrategiaren aurka, manifestazioa egin dute dozenaka ikaslek Leioako campusean (Bizkaia), Ikasle Abertzaleek deituta. "Hezkuntza herritik eta herriarentzat" aldarria plazaratu dute, eta, salatu dutenez, erreforma horrekin "enpresa pribatuen eskuetan utzi nahi dute" unibertsitatea. Bideoa: manifestazioa Leioan (Monika Del Valle, Argazki Press):
[berriatb]http://www.berria.eus/berriatb/2244/[/berriatb]
Hainbat fakultatetako dekanotzetara ere sartu dira. Negoziazio mahai bat osatzeko eskatu diote Iñaki Goirizelaia EHUko errektoreari; ikasleek jakinarazi dutenez, ordea, hark hamabost egunera bilera bat egitea proposatu die, eta ez dute onartu. Itxialdian geratu dira, "eskakizunak bete arte". Azkenean, asteartean batzartuko dira EHU eta ikasleak:
Zuzenbide, medikuntza, zientziak eta GKZ fakultatetako dekanotzak okupatu dituzte ikaslek! #stopEU2015! pic.twitter.com/N5w6siepbr
— Ikasle Abertzaleak (@IAbertzaleak) November 27, 2014Leioan ez ezik, Beasainen eta Ordizian ere (Gipuzkoa) hezkuntza erreformen kontra atera dira kalera. Bideoa: Beasaindik Ordiziara egindako manifestazioa ('Goierriko Hitza'):
[youtube]http://youtu.be/cnWyj9paQCA[/youtube]
