UNIBERTSITATEAN ERE MARTXAN DIRA

Hezkuntzako gainerako irakastaldietan bezala, unibertsitateek ere hasi dute jarduna. EHU Euskal Herriko Unibertsitatean atzo izan zuten lehenbiziko eskola eguna ikasle gehienek. Aurten, 8.580 ikasle berri hasi dira. NUP Nafarroako Unibertsitate Publikoan joan den astean hasi ziren eskolak. Ostiralean, urte hasierako ekitaldian, istiluak izan ziren, Polizia protestan ari ziren ikasleei oldartu zitzaienean. Nafarroako Parlamentuak atzo adierazi zuen bidezkoak zirela protestak.