Unibertsitateko hizkuntz tituluak, baliagarri hezkuntzan

GASTEIZ. Eusko Jaurlaritzako Hezkuntza Sailak onartu egingo ditu unibertsitateetako hizkuntza tituluak atzerriko hizkuntzak irakasteko gaitasuna frogatzeko orduan. Oraingoz, soilik hizkuntza eskola ofizialeko tituluek balio dute atzerriko hizkuntzak irakasteko; hori, ordea, irakasleek lortutako hezkuntza zalantzan jartzea dela esan du Marian Okariz sailburuordeak.