UPD alderdiak Eusko Jaurlaritza berriari eskatuko dio “alferrekoak” diren edo “bikoiztuta” dauden EAEko enpresa eta entitate publikoak ixteko plan bat egiteko. Ondoren, “udaletako txosnei eta foru aldundiei” proposamen bera aurkezteko asmoa du. UPDren helburua Euskal Autonomia Erkidegoako administrazio orokorraren laguntza jasotzen duten erakunde, elkarte eta fundazio kopurua jaistea da.
PSE-EE eta PPk aurreko legealdian “ezer” ez zutela egin salatu du, eta gaia ahal bezain laster landu behar dela uste du. “Onartezina iruditzen zaigu funtzionarioen soldata jaistea, pentsioak murriztu edo blokeatzea, gizartean era guztietako murrizketak egitea, eta bitartean erakunde kopuru neurrigabe horri eustea”. Gaineratu du EAJk aukera hori “sortu” zuela lehen, “jendea lanean jartzeko”.
Eusko Legebiltzarrean parlamentari bat du UPDk.
