UPN eta PSN Estrasburgoren epaiaren aurka, Tafallan

Ines del Rioren askatasuna eskatuz, herrira mugimenduak Tafallako Udalean aurkeztutako m0ozioa atzera bota dute UPNk eta PSNk, aurkako botoa emanda (UPNk 7 zinegotzi ditu eta PSNk 2). Mozioaren alde bozkatu dute Bilduk (6 zinegotzi) eta Iniciativa por Tafallak (zinegotzi bat). Herrira mugimenduaren mozioak Espainiako Gobernuari eskatzen zion Europako Giza Eskubideen Auzitegiak 2012ko uztailaren 10ean kaleratu zuen epaia onartzeko, eta euskal presoa ahalik eta azkarren libre uzteko, Estrasburgoko epaiak dioen moduan. Ines del Rio Tafallakoa da. 2008an bete zuen Espainiako Justiziak ezarritako zigorra, baina preso jarraitzen du 197/2006 doktrinaren ondorioz.