Frantziako Poliziak hamarnaka lagun identifikatu ditu bart Urruñan (Lapurdi), eta polizia etxera deitu ditu, AHTren aurkako pintaketak egiten dituztelakoan.
AHTaren kontrako hainbat elkartek deialdia egin zuten bart, bide pintaketa burutzeko. 40 bat lagun bildu ziren, eta AHT ez leloak margotu zituzten kale eta errepideetan. Polizia hara heldu, eta lagun horiek identifikatu zituen. Horrekin batera, polizia etxera joateko ordua eman zien.
Duela bi urte ere, AHTaren aurkako pintaketa egin zuten Urruñan, Hendaia eta Irun artean igaro zen manifestazioaren bezperan.
