Bart su hartu du Urruñako (Lapurdi) txertaketa guneak, eta Jerome Bourrier Baionako prokuradorearen ustez, «nahita egindako erasoa» izan da «zalantzarik gabe». Ikerketa abiarazteko eskatu dio Baionako Polizia Judizialari.
Incendie dans la nuit du 17 au 18 juillet du centre de vaccination de Urrugne. Le parquet a saisi le service de police judiciaire de Bayonne d'une enquête de flagrance pour destruction volontaire par incendie.
— Jerome Bourrier procureur Bayonne (@procBayonne) July 18, 2021
Suteak ez ditu kalte handiak eragin suhiltzaileen lanari esker. Daniele Bideondo-Baron Urruñako Gizarte Gaietarako zinegotziak Sud Ouest-i adierazi dionez, «bakoitzak nahi duen iritzia izan dezake txertaketari buruz, baina halako ekintzek urrunar guztiei egiten diete kalte».
Gehitu du asteazkenean berriz ere abian jarri nahi dutela txertaketa gunea, «bete-betea dagoelako txertatzeko agenda». Printzipioz, abuztu amaierara arte egongo egongo da zabalik txertaketa gune hori, asteazkenetan eta ostiraletan.
