Urte eta erdiko zigorra Joseba Andoni Ullibarriri

MADRIL. Espainiako Auzitegi Nazionalak urte eta erdiko kartzela zigorra ezarri dio Joseba Andoni Ullibarri gasteiztarrari, Internet bidez PPko eurodiputatu Teresa Jimenez Becerril-i ustez eginiko «mehatxuengatik». «Biktimak umiliatzea» leporatu dio Auzitegi Nazionalak Ullibarriri. Akusatuak, berriz, mezu horiek igorri izana ukatu zuen iragan asteko epaiketan. Bederatzi urteko inhabilitazioa ere ezarri diote.