Ustezko lapur bat hil du ertzain batek, tiro egin ostean

Bart gauean Basaurin (Bizkaia) gizon bat hil du ertzain batek, oraindik argitzeko dauden arrazoiengatik bere armak tiro egin ondoren.

Azbarren enpresa zonaldean azkenaldian egin diren lapurretengatik ingurua zaintzen ari ziren ertzainak. 23:00etan ustezko lapurrak enpresen gune horretara joan ziren eta, ertzainak bertan zeudela ikusi ostean, autoz ihes egiten saiatu zirela jakinarazi du Ertzaintzak.

Ustezko lapurrek ihesaldian ertzain bat autorekin harrapatzen saiatu eta, ondorioz, polizia horren armak tiro egin duela adierazi du Eusko Jaurlaritzaren Herrizaingo Sailak. Tiroak haietako bat jo du eta zauriaren ondorioz hil egin da.

Gainerako hiru lagunek ihes egitea lortu dute eta horien bila ari da Ertzaintza.