Ustez ETAkoak direlakoan lau lagun atxilotu ditu Frantziako Poliziak gaur iluntzean, berri agentziek aditzera eman berri dutenez. Frantzia Iparraldean, Pas de Calais departamenduan, egin dituzte atxiloketak, eta polizia iturriek jakinarazi dute operazioak oraindik irekita jarraitzen duela. Ez dute atxilotuei buruzko daturik eman.
Gaur arratsaldean, bestalde, Eider Zuriarrain atxilotu du Frantziako Poliziak, Donibane Lohizunen. Paueko Auzitegiak martxoaren 1ean onartu egin zuen Espainiako Auzitegi Nazionalak haren aurka eskatutako euroagindua.
Zuriarrain Justiziaren kontrolpean aske zegoen otsailaren 15etik.
