Marta Vera Nafarroako Gobernuko Osasun kontseilariak azaldu du “aurrera” jarraituko duela gobernuak “hartutako erabakiekin”, zehazki osasun erreformarekin. Atzo oposizioko alderdiek —PSN, Bildu, NaBai, Ezkerra eta Geroa Baik— lege proposamen bat adostu zuten dekretua bertan behera uzteko. Osasun arreta aldatzeko kalitatea "lehenetsi" behar dela azaldu zuten.
Landa eremuetako osasun etxeetako larrialdi zerbitzuei eragingo die dekretuak, besteak beste. Funtsean, orain arte medikua eta erizaina osasun etxean bertan egonda egiten ziren zaintzak; aurrerantzean, langileak zentroan egon gabe egingo dituzte. Horren aurka egin dute oposizioko alderdiek. Baina Verak adierazi du legea onartzen bada “aplikatu” egingo beharko dutela.
