Vera: «Osasun murrizketek ez dute eskumenik urratzen, ezarri beharrekoak dira»

Espainiako Gobernuak osasunaren arloan erabaki murrizketak bete beharrekoak direla erran du Nafarroako Osasun kontseilari Marta Verak. «Ez dute eskumenik urratzen, ezarri behar ditugu». Nafarroako Parlamentuko Osasun Batzordean egin du agerraldia. Kontseilariak zehaztu du, hala ere, murrizketa horiek bere autonomia baliatuz ezarriko dituztela. Veraren azalpenek ez dituzte kontent utzi Ezkerra, Bildu eta NaBaiko parlamentariak.Kontseilariak, berriz, iragarri du arautegia eginen dutela murrizketek osasun arretatik at utzitako pertsonak artatzeko.