Vinsa enpresa publikotik 6.500 euro kobratu zuen Barcinak, bileretara joan ez bazen ere

Yolanda Barcina Nafarroako presidenteak 6.500 euro jaso zituen 2009. eta 2011. urteen artean Vinsa enpresa publikoaren bidez, administrazio kontseiluko bileretara joan ez bazen ere. 2009ko martxoaren 30ean eginiko bilera batean, haren sinadura ez da ageri urteko kontuak onartzeko agirian. Edonola ere, administrazio kontseiluko kide izateagatik 3.500 euro jaso zituen. Beste horrenbeste gertatu zen 2011ko martxoaren 30ean, eta urte hartan 3.000 euro jaso zituen.