EAJko iturri batzuek Efe berri agentziari esan diotenez, Xabier Agirre izango da EAJren Araba Buru Batzarreko (ABB) presidente berria, Iñaki Gerenabarrenari lekukoa hartuta. Izan ere, iturri haiek azaldu dute Agirrek lurralde batzarreko gehiengoa baduela dagoeneko: 65 botoetatik 33.
EAJko lurralde batzarrak larunbatean bilduko dira zuzendaritzak berritzeko prozesuei amaiera emateko. Arabako tokiko 49 batzarrek ostegunean bukatuko dute barne prozesuko bigarren itzulia.
Bizkaian, Andoni Ortuzar izango da EAJko buru aurrerantzean ere, eta Gipuzkoan, Joseba Egibar. Araban, Gerenabarrenak hamar urte daramatza karguan.
2007-2011ko legealdian, Arabako ahaldun nagusi izan zen Agirre.
