Zabaldu da etorkinek beren egoera arautzeko "normalizazio" prozesua

Arratsaldeko lauretan zabaldu da Espainiako Gobernuak erabakitako "etorkinen ez ohiko normalizazio prozesua". Maiatzaren 6ra arte zabalduko dira bulegoak eta normalizazio eskaerak enpresaburuek egin beharko dituzte, etxe batean baino gehiagotan lan egiten duten etxeko langileen kasuan ezik. SOS Arrazakeria taldeak gogor kritikatu du Espainiako Gobernuaren erabakia. Nuria Vives bozeramaileak adierazi duenez, lan-egoera legeztatzeko baldintzak, "inoiz baino murriztaileagoak dira".