ZABALZA OMENDU DUTE, 25. URTEMUGAN

Herenegun bete ziren 25 urte Mikel Zabalza desagertu zenetik, eta Orbaizetan (Nafarroa) omendu zuten atzo. 12:00etan lore eskaintza egin zioten Ola auzoan, Zabalzaren omenezko oroitarrian. 13:00etan ekitaldi nagusia egin zuten frontoian, eta 14:30 aldera herri bazkaria izan zen. Astean zehar, hura gogoratzeko jarduerak antolatu ditu Mikel Zabalza Gogoan herri ekimenak. Orbaizetan egindakoak, ordea, esanahi berezia izan du, jaioterrian omendu baitute.