Polizia iturrien arabera, ETAri laguntzeko bonoak edukitzea egotzita atxilotu zuten Meñika Zamudioko herriko-tabernara zihoan atxilotu zutenean, apirilaren 18an. Meñika Zamudiokoa da.
Grande Marlaskak gaur kaleratu duten autoan esaten da Batasunaren kanpainak finantziatzeko bonoak saltzen zirela herriko-taberna horretan, eta Meñikak "sare terroristako beste kide batzuekin" bilerak egiten zituela han. Argudio horiek eman ditu itxiera erabakiteko arrazoitzat.
AVT eta Dignidad y Justicia akusazio partikularrek itxiera eskatu zuten. Ez, ordea, fiskaltzak.
Auzitegi Nazionala
Zamudioko herriko-taberna bi urtez ixtea erabaki du Grande Marlaskak
Espainiako Auzitegi Nazionaleko epaile Fernando Grande Marlaskak Zamudioko (Bizkaia) herriko-taberna bi urtez ixteko agindu du. Batasunaren kanpainak finantziatzeko bonoak saltzen zirela eta Ibon Meñikak han bilerak egiten zituela eman du ixteko arrazoitzat. Guardia Zibilak itxi behar du, Ertzaintzak babestuta.
Iruzkinak
Ez dago iruzkinik
Ordenatu
