Estatutu Berrirako Proposamena
Zapatero eta Ibarretxe urtarrilaren 13an bilduko dira, Moncloan
Espainiako Gobernuko presidente Jose Luis Rodriguez Zapaterok urtarrilaren 13an EAEko lehendakari Juan Jose Ibarretxerekin bilduko dela adierazi du eguerdian, Espainiako Pazko militarraren ostean eginiko adierazpenetan. Zapaterok azpimarratu duenez, bileraren helburua iragan abenduaren 30ean Gasteizko Legebiltzarrean onartu zen Estatutu Berrirako Proposamenaren inguruan hitz egitea da. Bilera 16:30tan hasiko da.
Zapaterok onartu duenez, Alderdi Popularra presio ugari egiten ari da Planaren tramitazioa saihestu eta Gobernuak Plana Espainiako Auzitegi Konstituzionalera eraman dezan. Zapatero jarrera horren aurka azaldu da. "Planaren inguruan hitz egin behar da, baina ez negoziatu".
Iruzkinak
Ez dago iruzkinik
Ordenatu
