Lau fase izanen ditu dinamikak: gaur, aurkezpena; 21etik 23ra, hausnarketa fasea; 24tik 30era, hizkuntza ohiturak aldatzeko ariketa proposamenena; eta maiatzaren 3an, bukaerako ekitaldia —apirilaren 30ean jakinaraziko dute nolakoa izanen den, zehazki, bukaera—.
Dinamika «bere egitera eta parte aktibo izatera» gonbidatu dituzte herritarrak, fisikoki zein sare sozialen bitartez. Sare sozialak aukeratzen dituztenei #EtxealditikEuskaraldira traola erabiltzeko eta @euskaraldia kontuari aipamena egiteko eskatu diete, «guztiok guztion berri izateko eta Euskaraldikoei bilketa lana egiteko modua emateko». Etxeko leiho eta balkoietan, berriz, koloretako puntu bat jartzeko eskatuko diete partaideei, egitasmoan parte hartzen ari direla adierazteko.
