Zenbakia. -15

•Iratiko eski estazioko tenperatura hotzena. Iratiko eski estazioak eman zuen atzoko tenperatura hotzena: -15 gradu. Tenperatura beroena ere ez zen oso gozoa izan Iratin: ez zen-11tik igo.

•Mendi aldea. Nafarroako mendietan neurtu ziren tenperatura hotzenak: Erremendian eta Gorramendin, -13 gradu; Aralarren, -11; Urbasan, -10; Erron, -9. Arabako mendietan ere hotz egin zuen: Kapilduin eta Herreran 9 gradu zero azpitik neurtu zituzten.

•Nafarroa. Abaurregaina da Euskal Herriko herri garaiena, baita hotzena ere: -12,5 gradura jaitsi ziren termometroak atzo. Nafarroa iparraldean sentitu zen hotz gehien: Urzainkin (-10), Aurizberrin (-10), Ariben (-9) eta Leitzan (-8), esaterako.

•Hiriburuak. Iruñean zero azpitik 7 gradu egin zituen atzo, baita Gasteizen ere; Donibane Garazin, -6 gradu egin zituen. Kostaldean, Donostian -4 gradu egin zituen, eta Bilbon -1.

•Gipuzkoa. Zegaman, Bidanian eta Berastegin 6 gradu zeropetik egin zituen atzo. Kostaldetik barrualdera ez zuen alde handirik egin: Zarautzen -4 gradura jaitsi zen termometroa, eta Arrasaten -3 gradura.

•Bizkaia. Tenperatura epelagoa izan zuten Bizkaian atzo; Muxikan, Deustun eta Bermeon, esaterako, 3 gradukoak izan zituzten tenperatura hotzenak.

•Araba. Zenbat eta hego-mendebalderago, orduan eta hotz handiagoa egin zuen atzo. Trebiñun, -3 gradu neurtu zituzten; Ozetan, -5; Agurainen, -4.

•Lapurdi. Donibane Lohizunen, -3 gradukoa izan zen atzo neurtutako tenperatura hotzena; Miarritzen eta Ezpeletan, -5 gradura jaitsi zen termometroa.