Zer eskatuko zenioke hurrengo lehendakariari?

Euskal Herrian Euskaraz taldeko Igone Lamarainek paratu zuen atzo itauna Berria.info gunean, Eusko Jaurlaritzako hurrengo lehendakari izango denarentzat. Lamarainentzat, hurrengo jaurlaritzak Euskararen Legearen ibilbidearen balorazioa egin beharko luke, «legeak herri euskaldunari eman diona eta eman ez diona aztertu» eta horren arabera «helburu argiak» markatzeko. «Euskaraz bizitzea» helburutzat hartu beharko luke hurrengo lehendakariak, helduen euskalduntze eta alfabetatzean indarrak jarri, etorkinak euskarara erakarri... Hezkuntzan ere hizkuntza eredu zaharkituak utzi eta funtsezko aldaketa bategin beharko luke lehendakariak, eta «euskararen arnasguneak» indartu.