Eguraldiaren gorabeherek eta giro aldaketa bortitzek inspiratu dute Ordiziako (Gipuzkoa) Zesura taldearen azken lana. Eguzki patxetan izerditan egotetik aterkia eta berokia behar izatera. Rap taldeko kideek umorez eraman dituzte hitz eta erritmora Euskal Herriko udetan inoiz izaten diren egoera bitxiak: "Batzuetan hotz besteetan bero, / eguraldi desberdina egiten du egunero. / Hau da hau klima mundiala, / gure Euskal Herri tropikala", dio kantaren leloak.
[YouTube]https://youtu.be/CYGqwbUBlFE[/YouTube]
Irudietan ere modu dibertigarrian jaso dute gaia. Bainujantziak eta eskiak, urperako betaurrekoak eta neguko txanoak, haizeteak, euriteak eta eguzki errukigabea... Denak nahasi dituzte batera.
Taldeko kideek lagun askoren laguntza izan dute "Euskal Herri tropikala" irudikatzeko. Horien artean, Ana Urrutia ETBko eguraldi aurkezlearena.
