Azkarrak izatea, hori da Victoriano del Rioko zezenen ezaugarri nagusia. Baina horrek ez du haien arriskua murrizten; izan ere, lasterkari ugari zauritu ohi dituzte, askotan baita entzierroetan ateratzen ohituak daudenak ere. Eta aurten ere bete egin dituzte aurreikuspenak. 2 minutu eta 27 segundoan egin dute ibilbide osoa, eta une arriskutsu ugari eragin dituzte.
Gurutze Gorriaren arabera, gutxienez bost zauritu eraman dituzte erietxera; beste hainbatek ere kolpeak izan dituzte, baina tokian bertan artatu dituzte.
