Zezen baten adarkada jasota 74 urteko gizona hil da Errazkinen

V.E.S Errazkingo 74 urteko gizona goizeko zortziak aldera hil da zezen baten adarkada jaso ostean. Nafarroako Gobernuak jakinarazi duenez, zezena bere ilobarena zen eta V.E.Sk sarritan laguntzen zion abereekin.

Ilobak berak hots egin du Sos Nafarroako 112 telefono zenbakira gertatutakoaren berria emanez. Errazkindik kilometro erdira dagoen zelai batean jazo da ezbeharra. Hildakoa bakarrik joan bada ere, egin duen oihuak ohartarazi du bere iloba. Nafarroako Gobernuko bozeramailearen bulegotik azaldu dutenez, aberearen jabea berehala joan da osobari laguntzera. Baina ezin izan du ezertxo ere egin, zezenaren adarkada hilgarria izan baita. V.E.S 74 urteko gizona berehala hil da.

Nafarroako Auzi Medinkuntza Institutura eraman dute gorpua eta bertan egingo diote autopsia. Foruzaingoak hartu du gertatutako ikertzeko ardura.