Zientzia irakasleentzako webgunea sortu du Eusko Jaurlaritzak

Unibertsitatekoak ez diren irakasleak laguntzeko helburuarekin, Zientziategia izeneko webgunea jarri du martxan Eusko Jaurlaritzaren Hezkuntza Sailak (www.zientziategia.euskadi.net). Zientziari buruzko berriak, ekitaldien agenda, argitalpenei buruzko informazioa eta zientzia arloko bertze webguneetarako eta liburutegi digitaletarako loturak eskaintzen ditu. Isabel Zelaa Hezkuntza sailburuak eta Marian Ortiz sailburuordeak atzo egindako aurkezpenean azaldu zutenez, «azken helburua ikasleen gaitasuna hobetzea da».