Espainiako Poliziak eta Ertzaintzak elkarlanean, 51 urteko gizonezko bat atxilotu dute Valentzian (Herrialde Katalanak), martxoaren 31n Zierbenan (Bizkaia) izan zen hilketarekin zerikusia duelakoan. Ostegunean egin zuten atxiloketa, gaur jakinarazi dutenez, eta aipatutako gizonezkoa kartzelan daukate behin-behinean.
Martxoaren 31n 45 urteko gizon bat hilda aurkitu zuten Zierbenan, Kardeo auzoko etxe batean, indarkeria arrastoekin: labana zauriak, buruan kolpea...
Ertzaintzak droga trafikoarekin lotu zuen gertaera, eta ondoren Bizkaitik aldegin zuen pertsona bat susmagarritzat jo zuen; ostegunean atxilotu zutena, hain zuzen. Ez dute baztertzen lagun gehiagorekin partaidetza. Barakaldoko (Bizkaia) Auzitegiak darama kasua.
Gizartea
Zierbenako hilketarekin lotuta lagun bat atzeman dute Herrialde Katalanetan
Martxoaren 31n hilda topatu zuten 45 urteko gizonezko bat, indarkeria zantzuekin. Atxiloketa Valentzian egin dute.
Iruzkinak
Ez dago iruzkinik
Ordenatu
