Osakidetzak baieztatzen duen seigarren kasua da. Gizona bizkaitarra da, eta Ekuadorrera egindako bidaia batean kutsatu da Zika birusarekin. Ohar batean, lasaitasunera deitu du Jon Darpon Osasun sailburuak, eta hartu beharreko neurrien garrantziaz ohartarazi die arriskupean dauden herrialdeetara doazenei; batik bat, eltxoetatik babesteak.
Orain arte Euskal Herrian izan diren Zika birusaren kasu guztiak atzerrian kutsatutako pertsonenak dira. Guztira, 11 dira kasuak.
