ZIZTADA JAI GIROAN

San Pedro jaiak aprobetxatuz, BERRIA Taldearen Zure ziztada behar dugu diru laguntzen kanpainarekin bat egin zuten atzo Lekeition (Bizkaia). Ziztada Eguna ospatu zuten. Egitarau oparoa prestatu zuten, eta joan zirenek arrain errea eta hainbat edari dastatzeko aukera izan zuten. Bertsolariek jarri zioten doinua ekitaldiari, eta haurrei erle itxurarekin margotu zieten aurpegia; izan ere, erlauntza da kanpainaren irudia. Joan zirenei kanpainaren inguruko xehetasunak eman zizkieten. Dagoeneko, 3.000tik gora lagunek egin diote ekarpena.