Bart gauerdian sortu zen sutea, Donostiako Loiola auzoko Aralar kalean. Papera birziklatzeko edukiontzi batean sua piztu eta berehala zabaldu zen ondoko edukiontzietara. Ondoan zeuden zortzi motor eta hamabi bizikleta kiskali ziren, eta gertu aparkatuta zeuden bi autori eta beste bi motorri ere kalteak eragin zizkieten garrek.
Donostiako suhiltzaileen esanetan, handia izan zen sutea baina berehala lortu zuten itzaltzea. Hala ere, ikertzen ari dira zer dela-eta piztu den sutea.
