Zortzi pertsona zauritu dira errepideko bost istriputan

BILBO. Zortzi lagun zauritu ziren atzo Hego Euskal Herriko errepideetan izandako bost istriputan. Ezbehar larriena Urkabustaizen (Araba) gertatu zen: kamioi batek eta ibilgailu batek elkar jo zuten, aurrez aurre, eta, horren ondorioz, kamioiko gidaria eta autoan zihoazen bi pertsonak erietxera eraman behar izan zituzten. Gipuzkoan izandako lau istriputan bost pertsona zauritu ziren.