Datorren urtean amaitu nahi du Gure Esku Dago-k herri galdeketen aroa. Horiek hala, galdeketak egin asmo dituzten herriak ari dira hitzorduak jartzen. Zuia izan da horietako bat. Sare sozialetan zabaldutako bideo batean jakinarazi dutenez, maiatzaren 6an egingo dute. Aurretik, ordea, badute beste lanik Arabako herri horretan, besteak beste galdera adostea eta sinadurak biltzea. Horietarako hitzorduak abendurako jarri dituzte.
OHAR OFIZIALA- Zuiako Gure Esku Dagok herri galdeketa egitera deitu du 2018ko maiatzaren 6an. Hona hemen ojar garrantzitsuenak! pic.twitter.com/touqxnSqsJ
— Gure Esku ZUIA (@GED_Zuia) 2017(e)ko azaroak 29
GEDek joan en asteburuan iragarri zuen ekainaren 10ean izango dela datorren urteko ekitaldi nagusia. "Ekainetik aurrera, Euskal Herriko eragileen artean herri gisa erabakitzeko behar diren konplizitateak eta adostasunak jostea izango du helburu Erabakitzeko Eskubidearen Aldeko Herri Itunak", adierazi zuen Zelai Nikolas bozeramaileak Agurainen egindako batzarrean.
