Zumaiako enpresa batean sua piztu da eta lau ataritako bizilagunak etxetik atera dituzte

Goizeko 1:30ak aldean sua piztu da Zumaiako (Gipuzkoa) Estazio kaleko enpresa batean, Ertzaintzak jakinarazi duenez. Kalte material handiak egin ditu suak, eta garren indarra dela-eta inguruko lau ataritako jendea etxetik aterarazi dute. Suhiltzaileak joan dira bertara garrak itzaltzera, eta 3:00ak alderako egin dute lan hori. Orduan, bizilagunak berriz ere beren etxeetara itzuli dira.